Simba Hakuna cha TP Mazembe wala Mbao Mwendo wa Ushindi tu | ZamotoHabari.

MSHAMBULIAJI wa Simba, Meddie Kagere amesema kuwa hawana hofu na mchezo wao wa kimataifa pamoja na michezo yao ya Ligi Kuu Bara kwani kote wanahitaji ushindi.

Simba Jumapili watakuwa mzigoni Uwanja wa Jamhuri kumenyana na Mbao FC ikiwa ni mchezo wa ligi pia wana kibarua cha kucheza na TP Mazembe Aprili 5 kwenye hatua ya robo fainali Ligi ya Mabingwa Afrika.

"Tunajua tuna michezo mingi na migumu ila hilo halitupi shida kwa sasa kwa kuwa wachezaji wote pamoja na uongozi lengo letu ni moja kupata matokeo uwanjani.

"Sapoti kubwa ya mashabiki inatupa nguvu ya kufanya vizuri hivyo sina neno la kuwaambia mashabiki zetu kwamba tunawapenda na tutapambana kupata matokeo chanya kwenye michezo yetu yote bila kujali tunacheza na nani, hivyo hata hao Mazembe waje tu hatuna mashaka," amesema Kagere.

Kagere kwenye michuano ya Ligi ya Mabingwa mpaka sasa ametupia mabao sita huku kwenye ligi akiwa amecheka na nyavu mara 13
Tembelea Website ya Nyimbo za Injili Africa. Pakua na Kusikiliza bure bila malipoBOFYA HAPA