50 Cent Amchama Meek Mil Mchana Kweupe Tena Mbele ya Lil Wayne | ZamotoHabari.

50 Cent anasifika kwa kurusha mawe gizani, likikupata ukaingia kichwa kichwa basi utaendeshana naye miaka nenda rudi.

Ni kama kuni zimeanza kuwaka, 50 Cent ameibuka na kum-diss Meek Mill. Kwenye mahojiano na Lil Wayne kupitia episode mpya ya Young Money Radio, 50 alikaa chini na kuzungumza mengi ikiwemo album ya Pope Smoke na mengine mengi.

Katikati ya mazungumzo, 50 Cent alianza kum-diss Meek Mill kwa kusema "Kama ukiniuliza, sitaweza kukwambia nani ninamuongelea. Nasema hivi, Kama unawakilisha na kupambania mabadiliko ya sheria za Magereza na makosa ya Jinai, ni vipi ulisainiwa label na Afisa wa Magereza na unaongozwa (managed) na mtu anayechoma wenzake 'snitch' hebu nisaidie kwa hili. Ni jambo la kipuuzi nalitazama halafu naenda zangu." alisema 50 Cent akizungumza na Lil Wayne.

Maisha ya muziki wa Meek Mill yalianza kuonekana mara baada ya kusainiwa na Maybach Music Group ambayo ilianzishwa na Rick Ross. Kwa miaka sasa (50 Cent na Rick Ross) wamekuwa wakitupiana maneno huku 50 akiyahusisha maisha ya awali ya Rozay akiwa Afisa wa Magereza.

APP YETU MPYA: Sasa unaweza kusoma kwa urahisi kupitia APP yetu. Download hapa kwa KUBOFYA HAPA