Efm kuzindua kipindi kipya kiitwacho "Jioni ya Leo"

MTANGAZAJI maarufu nchini Dina Marious na mchambuzi wa soka Oscar Oscar watakuwa ni watangazaji wa kipindi cha JIONI YA LEO ambacho awali kilikuwa kikijulikana kama UBAONI kitakachakuwa kikirushwa na EFM.

Hayo yalibainishwa jana na Mkurugenzi wa Vipindi wa EFM Dickson Ponera akizungumza katika hafla fupi ya kubainisha majukumu yao mapya iliyofanyika Makao Makuu ya EFM na TVE Mbezi Beach jijini Dar es Salaam.

Ikumbukwe kuwa awali Dina Marious alikuwa akitangaza kipindi cha Uhondo huku Oscar Oscar akiwa ni mchambuzi wa kipindi cha michezo cha Sports HQ.

Aidha Ponera alisema kipindi hicho kitakuwa kikirushwa kila Jumatatu hadi Ijumaa kuanzia saa 10:00 jioni hadi saa 1:00 usiku.

Alisema wataungana katika kipindi hicho na Roman Shirima, Mpoki na Veronica Frank ambao walikuwa wakitangaza kipindi cha UBAONI.

Mkurugenzi Mtendaji wa Efm Bw. Dennis Busolwa (Sebo) akiongea na waandishi wa habari katika Tafrija fupi ya kutambulisha kipindi kipya cha "Jioni ya leo" kilichozinduliwa makao Makuu ya Media hiyo Mkoani Dar es salaam.

Mkurugenzi wa Vipindi Efm Dickson Ponera (Dizzo ONE) akizungumza katika hafla iliyoandaliwa na kituo cha Radio cha Efm mapema jana mkoani Dar es salaam.

Mtangazaji wa Muda mrefu Dina Marios Akiongea na waandishi wa habari katika hafra fupi ya kutambulisha kipindi kipya cha "Jioni ya leo" kilichozinduliwa jana makao makuu ya Efm Redio Mbezi Beach mkoani Dar es salaam.

Tafrija ikiendelea.

Baadhi ya Viongozi na Watangazaji wa Efm wakishangaa bango la kipindi kipya cha "Jioni ya leo" baada ya uzinduzi mapema jana Mkoani Dar es salaam.

Sponsored by ZAMOTO MEDIA