Na Woinde Shizza,Michuzi Tv,ArushaMkutano wa 21 Wakuu wa Polisi Mashariki mwa Afrika unatarajia kuanza Septemba 15 mwaka huu Jijini Arusha na utajumuisha wakuu wa polisi kutoka nchi 14.
Akizungumza na waandishi wa habari jana Jijini Arusha, Msemaji wa Jeshi la Polisi (SACP)David Misime alisema maandalizi ya mkutano huo yamekamilika ambapo Rais John Magufuli atafungua mkutano huo Septemba 19 mwaka huu .
Alisema kabla ya kufunguliwa kwa mkutano huo kutatanguliwa na vikao mbalimbali vya wakuu wa vitengo vya Interpol na Septemba 16/17 kutakuwa na mkutano wa wakurugenzi wa upelelezi (DCI)kutoka nchi 14, pia kutakuwa na kikao cha kamati ndogo cha wataalam wa mafunzo , wataalamu wa sheria na kikao chakujadili unyanyasaji wa kijinsia pamoja na kikao cha Kuzuia na Kupambana na ugaidi
Alisema kauli mbiu itakuwa ni 'kuimarisha ushirikiano na ubunifu katika kupambana na uhalifu unaovuka mipaka ikiwemo makosa ya kimtandao,ugaidi'.
Alisema maandalizi ya mkutano huo yapo vizuri chini ya msimamizi wa Mkoa wa Arusha,Mrisho Gambo na jana wamekaa na wataalamu wa Interpol kutoka Kenya ambao wamefanya kikao
Pia watawapeleka wageni wa mkutano huo chuo cha Polisi Moshi kwa ajili ya kuona madarasa mapya na majengo ya hosteli lengo ni kuongeza wanafunzi wengi zaidi kutoka nchi mbalimbali
Pia watawapeleka Gereza la Karanga lililopo Moshi Mkoani Kilimanjaro kwaajili ya kujionea utengenezaji wa viatu vinavyotumiwa na majeshi mbalimbali huku wengine wakuu wa Majeshi ya Polisi wakienda kutembelewa Hifadhi ya Ngorongoro kujionea Utalii uliopo Nchini
Alisema Septemba 20 kutakuwa na kikao cha mawaziri wa mambo ya ndani kutoka nchi hizo na alitoa rai kwa watanzania kuimarisha amani na utulivu
Mada zitakazojadiliwa ni kuongeza ushirikiano kwa uhalifu unaovuka mipaka ikiwemo mikakati ya kutoa mafunzo kwa askari wao kwani hivi sasa Sayansi na teknolojia imekuwa pamoja na kuangalia maazimio waliyoyatekeleza katika kikao kilichofanyika mwaka jana nchini Sudani huku Mkuu wa Jeshi la Polisi Nchini (IGP)Sirro akikabidhiwa rasmi uenuenyekiti mkutanor huo
Jiunge Grupu la Mishono ya Vitenge VITENGE MISHONO
0 Comments